म

नितान्त एक्लोपनाभित्रको म
सारा संसारबाट टाढा
आफ्नै अन्त्यहीन सोचाईभित्र
आफ्नै बेग्लै संसारभित्र
कल्पनामा तैरिंदै
भावनामा उर्लिंदै
भित्रभित्रै खोक्रिएको
भित्रभित्रै च्यातिएको
हजार टुक्रामा च्यातिएझै
हजार टुक्रामा बाँडिएझै
बेग्लै संसारमा हराएझै
यो संसारबाट बिलाएझै
बौलट्टीपनभित्रको म
चेतनशील पगलभित्रको म
असम्भवताको आशमा
जिउँदो लाशमा
झल्केको म
मर्दै बाँच्दै गरिरहेको म
टुक्रिएर जोडिएझै
ठाउँ-ठाउँमा चर्केको म
अन्त्यहीन जोडाईबाट
पटक-पटक तर्केको म
आफैभित्र हराइरहेको म
आफुभित्र आफुलाई नै खोजिरहेको म